Novee Dumanig

About Me

Maayong adlaw! Ako si Novee, usa ka licensed psychologist.

Sulod sa 13 ka tuig, nakahatag ko og serbisyo isip usa ka guidance counselor, magtutudlo sa psychology, ug psychologist. Ang akong gugma sa Pilipinas maoy nagtulod kanako nga mahimong usa ka humanitarian psychologist. Sulod sa lima ka tuig, naghatag ko og suporta sa mga biktima sa giyera—kabataan, mga inahan, mga amahan, mga bana, ug tibuok pamilya nga naapektuhan.

Nakahatag usab ko og holistic care batok sa depresyon, kabalaka, trauma, ug uban pang mga isyu sa pangisip. Gigamit nako ang mga pamaagi nga evidence-based, sama sa cognitive behavioral therapy, solution-focused therapy, single session therapy, ug compassion-focused therapy. Nakigtinabangay usab ko sa mga lokal ug internasyonal nga mga psychologist aron mapalig-on ang mental health system sa Pilipinas.

Padayon ko pagtrain sa akong kaugalingon aron mas epektibo pa ko nga makaalagad sa inyo. Nagtuo ko sa gahum sa empathy ug compassion sa pagtabang sa mga taong nagdala og hilom nga mga kabug-at sa kasing kasing—bisan pa man kini ang kalisod sa pagbangon sa buntag, kawad-on sa gana sa pagkaon, walay tulog nga mga gabii, padayon nga samok nga mga hunahuna, o kahadlok nga magpabilin sa inyong hunahuna.

I'm here to walk with you on your unique path toward healing. As a fellow Filipino, I don’t just see your struggles—I understand what it means to feel unheard and unseen. Let’s begin this journey together. You may book a session with me here at Pinoy Therapy.